हामी छौँ (Hami Chhau) प्लेटफर्म — व्यापारी स्वयं-घोषणा तथा मञ्जुरीनामा पत्र
हामी छौँ डिजिटल बजार प्लेटफर्ममा आबद्ध भई आफ्नो पसल र सामानहरू सूचीकरण (List) गर्नुहुने सम्पूर्ण व्यापारीज्यूहरूका लागि यो स्वयं-घोषणा तथा सर्तनामा जारी गरिएको छ। यस प्लेटफर्ममार्फत कारोबार गर्दा देहायका सर्तहरू पूर्ण रूपमा पालना गर्नुपर्नेछ:
1. भुक्तानी तथा कारोबारको जिम्मा:
हामी छौँ (Hami Chhau) प्लेटफर्मले ग्राहकहरूको पैसा कम्पनीको खातामा नलैजाने व्यवस्था गरेको छ। तसर्थ, तपाईंहरूले बेचेको सामानको भुक्तानी सीधै आफ्नै व्यावसायिक खाता वा कारोबार गर्ने खातामा राख्नुपर्नेछ। साथै, नेपालको प्रचलित कानुनअनुसार अनिवार्य रूपमा PAN/VAT बिल जारी गरी सुरक्षित र पारदर्शी कारोबार गर्नुहुन सम्पूर्ण व्यवसायीहरूलाई अनुरोध छ।
2. फिर्ता, वारेन्टी तथा ग्यारेन्टीसम्बन्धी नीति:
ग्राहकले सामान फिर्ता गर्नु परेमा, वा आफ्नो सामानको मूल्य समझदारी अनुसार प्राप्त नभएमा, व्यवसायीले सामान फिर्ता लिँदा वा कुनै पनि प्रकारबाट ग्यारेन्टी वा वारेन्टी दाबी (Claim) गर्नुपरेमा "हामी छौँ टिम" को यसमा कुनै पनि प्रकारको भूमिका र जिम्मेवारी नरहने ब्यहोरा जानकारी गराउँछौं। यससम्बन्धी सम्पूर्ण उत्तरदायित्व सम्बन्धित व्यापारीको हुनेछ।
3. मूल्यमा भिन्नता:
एउटै सामानको मूल्य पसलको लोकेशन, ब्राण्ड वा गुणस्तर (Quality) अनुसार फरक पर्न सक्छ। यस्तो अवस्था सिर्जना भएमा हामी छौँ टिम कुनै पनि किसिमको जिम्मेवारी हुने छैन।
4. म्याद गुज्रेका, क्षति भएका वा नक्कल (Fake) सामानहरू:
एक्सपायर्ड डेट (Expire Date), ड्यामेज प्रोडक्ट (Damage Product), नक्कली ब्राण्ड (Fake Brand) वा अन्य कुनै किसिमको अवैध पैठारी (Smuggled), नक्कली लेबलिङ गरिएका (Fake Labeling) सामानहरू प्लेटफर्ममा लिस्टेड भएमा सम्बन्धित पसलको सञ्चालक (Shop Owner) स्वयं जिम्मेवार हुनेछ। ग्राहकबाट यससम्बन्धी कुनै पनि उजुरी वा गुनासो आएमा पसल सञ्चालकले आफैं ग्राहकसँग कानुनी तथा सामाजिक समस्याको समाधान गर्नुपर्नेछ।
5. विवरणको सत्यता र होसियार, सुझबुझ:
पसल सञ्चालकले आफ्नो पूर्ण होस-हवास र सुझबुझका साथ आफ्नो पसल, सामानको विवरण, तथा व्यक्तिगत विवरणहरू सही रूपमा उपलब्ध गराएको यसैमार्फत स्वीकार गर्नुभएको छ। गलत वा भ्रमपूर्ण विवरण पेस गरेमा कानुनी कारबाहीको भागिदार बन्नुपर्नेछ।
6. ग्राहक वा प्रतिस्पर्धीप्रतिको धोखाधडी निषेध:
पसल सञ्चालकले ग्राहक वा प्रतिस्पर्धीहरूलाई धोका दिने, ठगी गर्ने वा कुनै पनि प्रकारको सुनियोजित गैरकानुनी योजना तथा कार्य गरेको पाइएमा त्यसको सम्पूर्ण जिम्मेवारी स्वयं व्यापारीले लिनुपर्नेछ।
7. कानुनबमोजिम मात्र व्यापार:
पसलमा नेपालको कानुनले खरिद-बिक्री गर्न अनुमति दिएका वस्तुहरू मात्र लिस्टिङ गर्नुपर्नेछ। कानुनले प्रतिबन्धित वा अवैध भनेका सामानहरू बिक्री-वितरण गरेको पाइएमा सम्बन्धित पसल सञ्चालक स्वयं कानुनी कारबाहीको भागीदार हुनेछ।
8. ग्राहक डाटा गोपनीयता र व्यावसायिक आचरण (थप गरिएको):
प्लेटफर्ममार्फत प्राप्त हुने ग्राहकहरूको व्यक्तिगत विवरण र गोपनियतालाई पूर्ण रूपमा सम्मान गर्दै, उक्त डाटाको दुरुपयोग नगर्ने तथा व्यापारिक मर्यादा कायम राख्ने जिम्मेवारी पूर्ण रूपमा व्यापारीको हुनेछ।
9. प्लेटफर्मको सुरक्षा र नियम पालना (थप गरिएको):
हामी छौँ प्लेटफर्मको नीति, नियम र सुरक्षा मापदण्डहरूको उल्लङ्घन हुने कुनै पनि गतिविधि गरेमा प्लेटफर्मले पूर्वसूचना बिना त्यस्तो व्यापारीको खाता वा पसल निलम्बन (Suspend) वा खारेज गर्न सक्नेछ।
